Sawir: Google images
Ayaamahan suuqyada Hargeysa waxa marar dhowr ah lagu
arkay Booliiska oo caydhsanaya dadka qaar oo ay shuufeen sida ay timaha u
xiirtaan. Maqaas dheer baa dhulka lagu dhigay timaha rag ula baxay timaha si ay
booliisku diideen.
Waxa is-waydiintu noqotay booliiska shaqadiisa ma
tahay inuu faraha la galo timaha dadka iyo sida ay u la bistaan mise hawlo kale
oo ka culus baa u yaal?
Waxa falalkani i xasuusiyeen falaqayn hore loogu
sameeyey dhaqamada ururkii Maxaakiimta Islaamka ee mar ka tilin jiray dhul ka
mid ah Somalia iyo ururkii Daalibaan ee ka arimin jiray Afgaanistaan. Labada ururba
waxyaabaha lagula yaabay qaybna ka qaatay dumistooda wax aka mid ahaa markii ay
ku meeraysteen dadka timo xiirashadooda iyo dhar xidhashadooda.
Dhibaato sahlan maaha. Waana arin cilmi ahaan hore loo
dersay oo la soo tijaabiyay shar iyo khary midkay leedahay.
Mid ka mid ah
mabaadida sharciga Somaliland ku dhisan yahay ayaa ah kala saarka awoodaha. Taas
oo macneheedu yahay inaan Booliisku awood u lahayn inuu samaysto sharci
dabadeed fuliyo ciqaabtiisa. Sharcigeeba xaaraantinimeeyey nooca timaha ay la
dagaalansan yihiin? Sharcigeebaa ciqaabtiisa ka dhigay in suuqa lagaga xiiro?
Sharcigeebaa yidhi booliisku iyaga ayaa garsoor ah oo isla goobta ku fulinaya
xukunka?
No comments:
Post a Comment