Dalka Switzerland laba arday oo ka soo jeeda dalka Suuriya
ayaa waxaay dideen inay gacaan qaadaan macalimiintooda dumarka ah iyaga oo
sheegay in diintoodu u diiday inay dumarka taabtaan. Maamulkii dugsigu wuxuu
ogolaaday in labadaas arday laga dhaafo gacan qaadka. Balse falkaasi wuxuu si
wayn uga cadhaysiiyay siyaasiyiintii dalka.
Muranka iyo cadhada ku saabsan arinkan ayaa cirka isku
shareeray. Wasiirka Caddaaladda ee dalkaas ayaa sheegay in gacan qaadku yahay
dhaqanka Switzerland oo ay qasab tahay in la ixtiraamo. Dad kale waxaay ku
doodeen inaanay ahayn sax in ardayda lagu qasbo wax ay u arkaan inaan diintoodu
ogolayn.
Maamulka gobolka dugsigu ku yaal ayaa iyana sheegay in hadii
ay diidaan inay gacan qaadaan macalimiinta dumarka ah in laga qaadayo labadaas
arday lacag dhan 5, 000 Doolar. Dhinaca kale waxa la hakiyay hanaankii
dhalashada lagu siin lahaa qoysaska labadaas arday.
Xigasho: Foreingpolicy, Aljazeera, BBC.
No comments:
Post a Comment